तत्काल निर्वाचन संभव छैन : प्रमुख निर्वाचन आयुक्त

0
271

nirbachan-adhikirt-585a4ee2b97374-12016167

हेटौँडाः प्रमुख निर्वाचन आयुक्त डा अयोधीप्रसाद यादवले राजनीतिक सहमति र आवश्यक ऐन, कानुनको अभावमा तत्काल निर्वाचिन संभव नभएको बताएका छन् ।

Advertisements

स्थानीय तह, प्रदेश र संसदीय क्षेत्रको निर्वाचन सबै दलको सहमतिबाट मात्रै सम्भव हुने भन्दै यादवले छिटो सहमति जुटाउन र आवश्यक निर्माण गर्न सरकारको ध्यानाकर्षण गराएका हुन् ।

हेटौँडा उपमहानरपालिका–५ स्थित नवर्निमित जिल्ला निर्वाचन कार्यालय भवन बुधबार उद्घाटन गर्दै उनले आवश्यक ऐन कानुनको अभावमा तत्काल निर्वाचनको कार्यतालिका असम्भव रहेकाले बताएका हुन् ।

प्रमुख आयुक्त यादवले सम्बन्धित ऐन कानुन तत्काल संसद्बाट पारित गरी लालमोहर नलागेसम्म निर्वाचनको मिति घोषणा भए निर्वाचन कठिन हुने बताए ।

संसद अवरुद्ध खुलाइ निर्वाचनसँग सम्बन्धित ऐन कानुन सहितका पूर्वाधार तयार गर्न उनले सरकारको ध्यानाकर्षण गराएका हुन् । प्रमुख जिल्ला अधिकारी नारायणप्रसाद शर्मा दुवाडीले निर्वाचनका आवश्यक कर्मचारी उपलब्ध गराउन गृहकार्य भइरहेको बताए ।

जिल्ला निर्वाचन अधिकृत गोविन्दप्रसाद पौडेलले सरकारबाट उपलब्ध भएको एक करोड २४ लाख ५४ हजारको लागतमा भवन निर्माण गरिएको जानकारी दिए ।

अहिले जिल्लामा नामावली अद्यावधिक गर्ने कार्य जारी रहेको उनले बताए । नवर्निमित भवन दुई तल्लासहित १३ कोठाको छ । रासस

LEAVE A REPLY