डडेल्धुरामा जीप दुर्घटना परी ज्यान गुमाउने ७ जना पुगे हेरौ नामसहित

0
235

डडेल्धुरा, ४ फागुन । डडेल्धुरामा भएको जीप दुर्घटनामा परी मर्नेको संख्या सात पुगेको छ । घाइते पाँच जनाको उपचार भइरहेको छ ।भागेश्वर गाविसबाट सदरमुकामतर्फ आउँदै गरेको से१ज ८३३ नम्बरको जीप बुधबार दिउँसो १२ बजेतिर अमरगढी नगरपालिका– ३ ठूलोखोला नजिक ३ सय मिटर तल खसेर दुर्घटनामा परेको थियो ।

Advertisements

दुर्घटनामा भागेश्वर गाविस–४ सतिगाउँका लक्ष्मण भट्ट, सोही स्थानका जयानन्द भट्ट, भागेश्वर–८ का गणेश सार्की, सोही गाविस–५ का नरपती पाण्डेय र कामदेव चटौतको घटनास्थलमै मृत्यु भएको प्रहरी नायव उपरीक्षक प्रेमबहादुर शाहीले जानकारी दिए ।

यस्तै दिवाकर पाण्डेयको उपचारका लागि अस्पताल ल्याउँदै गर्दा बाटोमै तथा भागेश्वर–७ का पदम मल्लको उपचारका क्रममा उप–क्षेत्रीय अस्पताल डडेल्धुरामा मृत्यु भएको छ ।

घाइते पाँच जनाको उपक्षेत्रीय अस्पतालमै उपचार भइरहेको छ । जोखिमपूर्ण सडक र चालकको लापरवाहीले उकालो चढ्ने क्रममा जीप दुर्घटना हुन पुगेको प्रहरीको भनाई छ ।

LEAVE A REPLY