महाशिवरात्रि पर्वमा पशुपतिनाथ मन्दिरमा आएका साधुसन्तलाई दक्षिणा सहित गरियाे बिदाइ

0
256

काठमाडौँ, फागुन १५ गते । महाशिवरात्रि पर्वमा पशुपतिनाथ मन्दिरमा आएका साधुसन्तलाई बिदाइ गरिएको छ । गुठी संस्थान र पशुपति क्षेत्र विकास कोषले आज मन्दिर परिसरमा आयोजना गरेको कार्यक्रममा संस्थानका तर्फबाट पशुपतिनाथ मन्दिर परिसर, राम मन्दिर, मृगस्थली गोरखनाथ, भष्मेश्वर र निर्मल अखडालगायतका क्षेत्रमा बसेका साधुसन्तलाई बिदाइ गरिएको हो ।

Advertisements

फागुन ११ गते बुधबार एकादशीका दिन संस्थानका तर्फबाट राडी, च्यादर, बख्खु, कमन्डलु, शङ्ख, घन्ट, पीताम्बरी, लोटा, सिदालगायत सामान साधुसन्तलाई वितरण गर्न राष्ट्रपति विद्यादेवी भण्डारीले राष्ट्रपति निवासमा सङ्कल्प गर्नुभएको थियो । सङ्कल्प गरिएका सामान पनि आज वितरण गरिएको छ ।संस्थानले फागुन ११ गतेदेखि आजसम्म साधुसन्त, महात्मा, सन्यासीलाई धुनी बाल्न ३८ हजार किलो दाउरा व्यवस्था गरेको थियो । स्वदेश तथा विदेशबाट आएका साधुसन्त, महात्मालाई महाशिवरात्रिका अवसरमा संस्थानले आजसम्म निःशुल्क भोजनको व्यवस्था गरेको थियो ।संस्थान र कोषले पशुपति परिसरमा नागा साधुलाई, आर्यघाट पारि राम मन्दिरमा वैष्णव साधुलाई, गोरखनाथ मठ मृगस्थलीमा नाथ सम्प्रदायका साधुलाई, भष्मेश्वर अखडामा उदासी सम्प्रदायका साधुलाई र राजराजेश्वरी निर्मल अखडामा पनि उदासी सम्प्रदायका साधुलाई निःशुल्क भोजनको व्यवस्था गरिएको थियो ।

कालमोचनघाटको बैरागी अखडा, उदासी अखडा, सन्यासी अखडा र गोरखनाथ अखडामा पनि साधुलाई निःशुल्क भोजनको व्यवस्था थियो । पशुपति मन्दिर परिसरभित्र नागाको बिदाइ गर्दा दक्षिणासहित २०० ग्रामको पेडा वितरण गरियो । अन्य साधुलाई दक्षिणा सङ्कल्प गरिएको सामान दिएर बिदाइ गरिएको संस्थानका उपप्रशासक दीपकबहादुर पाण्डेले जानकारी दिनुभयो । संस्थानले रु १३ लाख दक्षिणास्वरुप साधुसन्तलाई वितरण गरेको थियो भने कोषले त्यसको ५० प्रतिशत थपेर वितरण ग¥यो । रासस

 

 

 

 

LEAVE A REPLY