७ देशका नागरिकले अब ब्रिटेन जाँदा ल्यापटप, ट्याब्लेट र स्मार्टफोन बोक्न नपाउने

0
429

काठमाडौं । अमेरिकाको सिको गर्दै ब्रिटेनले पनि बिभिन्न ६ मध्यपूर्वी तथा एक उत्तर अफ्रिकी राष्ट्रबाट आफ्नो देश आउने यात्रुबाहक सिधा उडानको लगेजमा ल्यापटप, ट्याब्लेट र स्मार्टफोन जस्ता विद्युतीय उपकरणहरु ल्याउन प्रतिवन्ध लगाएको छ ।

Advertisements

यो नियम टर्की, लेबनान, इजिप्ट, ट्युनिसिया र साउदी अरेबियाबाट बेलायत आउने सिधा उडानमा लागु हुने बताइएको छ ।

प्रधानमन्त्रीको कार्यालयले यो निर्णय  हवाई सुरक्षा सम्बन्धी छलफलपछि ल्याइएको र यो अत्यावश्यक, प्रभावकारी  र सहि भएको बताएको छ ।
यसअघि  अमेरिकाले  पनि ८ मध्यपूर्वी तथा उत्तर अफ्रिकी राष्ट्रका सिधा उडानबाट आउने लगेजमा ल्यापटप, ट्याब्लेट जस्ता विद्युतीय उपकरणहरु ल्याउन प्रतिवन्ध लगाउने निर्णय गरेको थियो ।

अमेरिकी अधिकारीहरुका अनुसार यस्ता डिभाइसमा बम लुकाउन सकिन्छ ।

यो नियमअनुसार वेलायतमा १६ सेमी भन्दा ठूलो, ९.३ सेमी भन्दा फराकिलो र १.५ सेमी भन्दा लामो सबै डिभाइस बोक्न प्रतिबन्ध लागेको छ ।
यसमा मोबाइल फोन पनि पर्ने बताइएको छ ।

अमेरिकामा त्यहाँको गुप्तचर निकायद्वारा विभिन्न देशबाट संकलित सूचनाका आधारमा यो कदम चालिएको बताइएको छ । प्रतिवन्धित उपकरणहरुमा ल्यापटप, ट्याब्लेट, क्यामरा, डिभिडी प्लेयर र इलोक्ट्रोनिक गेमलगायत रहेका छन् । अमेरिकामा भने मोबाइल फोन र स्मार्ट फोनहरु भने लैजान पाइनेछ ।

LEAVE A REPLY