परराष्ट्रमन्त्री महतसँग भारतीय राजदूतको भेट

0
278

 

१७ चैत,काठमाडौँ । परराष्ट्रमन्त्री डा प्रकाशशरण महतसँग परराष्ट्र मन्त्रालयमा नेपालका लागि भारतका नवनियुक्त राजदूत मन्जिभसिंह पुरीले शिष्टाचार भेट गरेका छन् ।

Advertisements

भेटका क्रममा नेपाल र भारतको आपसी सम्बन्धका साथै नेपालको पछिल्लो राजनीतिक अवस्थाका बारेमा कुराकानी भएको थियो । भेटमा परराष्ट्रमन्त्री महतले स्थानीय तहको निर्वाचनको तयारी व्यापक रुपमा सरकारले गरिरहेको र त्यसमा सबै राजनीतिक दललाई समेटेर निर्वाचनमा सहभागी गराउने गृहकार्य भइरहेको बताए ।

विकास प्रयासलगायत नेपालको बृहत्तर हितमा पु¥याउँदै आएको सहयोगप्रति मन्त्री महतले राजदूत पुरीमार्फत भारत सरकारलाई धन्यवाद ज्ञापन गरे । मन्त्री महतले पुरीको सफल कार्यकालका लागि शुभकामना पनि व्यक्त गरे ।

राजदूत पुरीले नेपाल र भारतबीचको सदियौं पुरानो सम्बन्धको स्मरण गर्दै आफ्नो कार्यकालमा दुई देशको सम्बन्धलाई थप मजबुत बनाउन आफूले हरसम्भव प्रयास गर्ने प्रतिबद्धता व्यक्त गरेका थिए ।
रासस

LEAVE A REPLY