चोकवजारमा ट्राफिक सचेतना सम्बन्धि ड्रम राखियो, ट्राफिक नियम उन्लंघन गर्ने धेरै

0
212

चितवन २४ माघ । जिल्ला ट्राफिक कार्यालय चितवनले भरतपुर–६ चोकवजारमा ट्राफिक सचेतना सम्बन्धि ड्रम राखेको छ । आज चोकवजार टोल बिकास सस्था संगको समन्वयनमा ड्रम राखिएको हो ।

Advertisements

पछिल्लो समय ट्राफिक नियम उन्लनघनका घटनामा बृद्दी आएको भन्दै सचेतना जगाउन ड्रम राखिएको जिल्ला ट्राफिक प्रहरी प्रमुख बेद प्रसाद गौतमले बताए । जिल्ला ट्राफिक प्रहरी कार्यालय चितवनले चालू आर्थिक वर्षको पुस मसान्तसम्ममा १९ हजार ७०० सवारी चालकलाई कारवाही गरेको छ । कारवाही पर्नेमा मादक पदार्थ सेवन गर्ने ३८५, क्षमताभन्दा बढी सामान बोक्ने तीन हजार ९८८, सिटबेल्ट नबाँध्ने र हेल्मेट नलगाएका एक हजार १७८, सवारी चलाउँदा आवश्यक पर्ने कागजपत्र नबोकेका तीन हजार ३०८ र सवारी चालक अनुमतिपत्र नभएका दुई हजार ७२६ जना रहेका छन् । यस्तै सवारी साधनमा बत्तीको अवस्था ठिक नभएका १५३, अन्यमा छ हजार ६६९, तीव्रगतिमा सवारी चलाउने ३४२, सिट क्षमताभन्दा बढी यात्रु बोक्ने ६२८ सवारी चालकलाई कारवाही गरिएको हो ।

जिल्लाको विभिन्न स्थानमा गरिएको जाँचका क्रममा कारवाहीमा परेका उनीहरुबाट रु एक करोड ४६ लाख ३१ हजार राजश्व सङ्कलन भएको कार्यालयले जनाएको छ ।

जिल्लामा बढ्दै गएको सवारी दुर्घटना न्यूनीकरणका लागि सञ्चालन गरिएका विभिन्न कार्यक्रम प्रभावकारी बन्दै गएको भए पनि सवारीसाधन लापरवाहीले चलाउनेको सङ्ख्यामा कमी आउन नसकेको जिल्ला ट्राफिक प्रहरी कार्यालय चितवनका प्रमुख वेदप्रसाद गौतमले जानकारी दिनुभयो । त्यस्तै कार्यक्रम सस्थाका अध्यक्ष मुना गुरुङ्गको अध्यक्षता एवं ट्राफिक प्रमुख बेद प्रसाद गौतमको प्रमुख आतिथ्यतामा सम्पन्न भयो ।

LEAVE A REPLY