कांग्रेस संस्थापन पक्ष असन्तुष्ट पक्षलाई मनाउँदै, के सहमति होला त ?

0
140

काठमाण्डौ । केन्द्रीय समितिको बैठकअघि नेपाली कांग्रेसको संस्थापन पक्षले असन्तुष्ट पक्षसँग सहमतिको प्रयास गरेको छ । आइतबार बिहान काग्रेस उपसभापति विमलेन्द्र निधिले महामन्त्री शशांक कोइरालासँग छलफल गर्नुभएको छ ।

Advertisements

कोइराला निवास महाराजगञ्जमा भएका छलफलमा कुनै सहमति नभए पनि आजको बैठक सुरु हुनुअघि पार्टी कार्यालयमा उपसभापति निधिले नेता प्रकाशमान सिंहसँग पनि छलफल गर्ने कांग्रेसका प्रवक्ता विश्वप्रकाश शर्माले जानकारी दिनुभयो ।

केन्द्रीय समितिको बैठक दिउँसो १ बजे पार्टी कार्यालय सानेपामा बोलाइएको छ । बैठकमा यसअघिको बैठकमा पेस भएका एजेण्डामा छलफल गर्ने तयारी रहेको कांग्रेसका प्रवक्ता विश्वप्रकाश शर्माले बताउनु भयो ।

गएको बिहीबारको बैठकमा पनि पार्टीको १४ औं महाधिवेशनको कार्यतालिका सार्वजनिक गर्ने विषयमा प्रस्ताव पेस गर्ने भनिए पनि पेस नभएको भन्दै रामचन्द्र पौडेल र नेता कृष्ण सिटौला पक्षले बैठक बहिष्कार गरेको थियो ।

पौडेल पक्षको बहिष्कारकाबीच सभापति शेरबहादुर देउवाले छलफलका लागि नौ वटा एजेण्डा प्रस्तुत गर्नुभएको थियो ।

LEAVE A REPLY